घेरबार नहुँदा शौचालय बन्यो विद्यालय

घेरबार नहुँदा शौचालय बन्यो विद्यालय

बझाङ/ माघ १७ गते (February 1, 2011)  सदरमुकाम चैनपुरको बीचमा रहेको बालमन्दिर निम्न माध्यमिक विद्यालय सर्वसाधारणको दिसापिसाब गर्ने शौचालय भएको छ । आठ कक्षासम्म पढाइ हुने यो विद्यालयमा उचित घेरबार नहुँदा सर्वसाधारणले दिसापिसाब गर्ने ठाउँको रुपमा प्रयोग गर्ने गरेका हुन् । चैनपुरमा सार्वजनिक शौचालय नभएकाले बजारमा विभिन्न कामको सिलसिलामा आउने व्यक्तिहरुले विद्यालय परिसरमै आएर दैनिक दिसापिसाब गर्ने गरेको विद्यालयका शिक्षक देवराज जोशीले बताउनुभयो । विद्यालय बजारको बीच भागमा तथा सुर्मादेवी मन्दिरसँगै जोडिएकाले मन्दिरमा बस्न आउने र वरिपरिका पसलेहरुले समेत विद्यालयलाई शौचालय बनाएको सो विद्यालयले जनाएको छ । २०३८ सालमा स्थापित यो विद्यालयलाई उचित घेरबारका लागि विभिन्न निकायमा पहल गरेको भए पनि कसैले सहयोग नगरेको विद्यालयकी प्रधानाध्यापक शर्मिला जोशीले बताउनुभयो । ूखुला भएपछि पढाइ भइरहेको समयमा पनि जोकोहीले सरासर आएर खुलमखुला रुपमा पिसाब फेर्ने गरेका छनू प्रअ जोशीले भनिन् ूविद्यालयको भित्तामा पिसाब तथा दिसा गर्नाले कक्षाकोठामा गन्ध आएर विद्यार्थी र शिक्षकले दैनिक नाक छोपेर पठनपाठन गर्नु परेको छ ।ू विद्यालयमा करिब चार सय छात्रछात्रा र दसजना शिक्षक कर्मचारी छन् । एक त विद्यालयको क्षेत्रफल पनि धेरै कम छ । त्यसैमा जथाभावी दिसापिसाब गरिदिनाले पूरै विद्यालयको वातावरणै दुर्गन्धित भएर शौचालयमा परिणत हुन पुगेको विद्यालय व्यवस्थापन समितिका अध्यक्ष लोकेन्द्र विष्टले बताउनुभयो । विष्टले भन्नुभयो ूविद्यालयजस्तो पवित्र मन्दिरमा आएर दिसापिसाब नगर्न अनुरोध गरे पनि आउन छोड्दैनन् । चैनपुर बजारभित्र दुई÷चार ठाउँमा सार्वजनिक शौचालय बनाइदिए विद्यालयमा दिसापिसाब गर्न रोकिनेथियो ।ू कक्षामा पढाइ भइरहेको हुन्छ सरासर आएर कसैले नदेखेजस्तो गरी पिसाब फेरेर जान्छन् । त्यतिबेला शिक्षक तथा विद्यार्थीले लाजले टाउको निहुर् याउनेबाहेक अरु विकल्प नरहेको शिक्षक देवराज जोशीले बताउनुभयो । जोशीका अनुसार मुख्य रोडसँगै विद्यालय जोडिएको हुनाले केही महिनापहिले १२ हजारको लागतमा फलामे ढोका बनाएको भए पनि त्यो पनि विद्यालयमा दिसापिसाब गर्न आउनेहरुले चुँडाइदिएका छन् । विद्यालयको चारैतिर खुला भएपछि बिहान साँझ आएर दिसा गर्ने तथा दिउँसो पिसाब फेर्ने थलोको रुपमा विद्यालय प्रयोग हुने गरेको छ । विद्यालयसँग शौचालय दुईवटा रहेका भए पनि तिनको ढोका फुटाई जथाभावी दिसापिसाब गरेर पूरै भरिएर काम नलाग्ने अवस्थामा  रहेको प्रअ जोशीले जानकारी दिइन् । स्रोत: गोरखा पत्र दैनिक